Xəbər lenti

 Şrift:

  Bu il 60 yaşına qədəm qoymuş tanınmış istedadlı yazıçı-publisist Nurəddin Ədiloğlunun, 2018-ci ilin ilk günlərində yeni kitabı çapdan çıxıb. "Mənim Bağdagül" nənəm" adlı kitaba "Zamanın yaddaş kodları" adlı ön sözü filologiya elmləri doktoru, professor Qulu Məhərrəmli yazıb.

Persona.az

 Şrift:

  Bu gün tanınmış şair, jurnalist Əbülfət Mədətoğlunun doğum günüdür.
  Əbülfət Mədətoğlu (Əliyev Əbülfət Mədət oğlu ) 1959-cu il yanvarın 1-də Dağlıq Qarabağın Xocavənd rayonunun Tuğ kəndində anadan olmuşdur. Azərbaycan Dövlət Universitetinin tarix fakültəsində təhsil almış, eyni zamanda jurnalist sənətkarlığı institutunu bitirmişdir.

"Araz" qəzetində şöbə müdiri (1986-1988), "Qarabağ" qəzetində (1988-1990) və "Azərbaycan ordusu" qəzetində (1990-1992) müxbir vəzifələrində işləmişdir. Hazırda "Ədalət" qəzetinin baş redaktor müavinidir (1992-ci ildən). Azərbaycan Respublikası Prezidentinin 21.07.2010-cu il tarixli Sərəncamı ilə Əliyev Əbülfət Mədət oğluna Azərbaycan milli mətbuatının inkişafındakı xidmətlərinə görə “Əməkdar Jurnalist” fəxri adı verilmişdir. Bədii yaradıcılığa orta məktəb illərindən başlamışdır. İlk mətbu şeri "Kəndim" "Araz" Füzuli rayon qəzetində çap olunmuşdur. Bundan sonra "Azərbaycan", "Ulduz", "Təşviqatçı" jurnallarında, "Azərbaycan gəncləri", "Bakı", "Sovet kəndi", "Azərbaycan pioneri" qəzetlərində vaxtaşırı çıxış etmişdir. "Səməni nəğməsi", "Nilufər çiçəyi", "Dərdini danışan adam", "Nişanə", "Ehtiyacın elçi daşı", "Döymək istədiyim qapılar", "Allah, məni unutma", "Ürəyimdəki sənsən", “Yanan məktub”,"Ağacların şarkısını yapraklar okuyor" "Hər görüş bir ümiddir", "Sevgi pıçıltıları", "Yanan məktublar", "Mənim kimi sevə bilsən", "Gözləyənim var",  "Ürəyim sənlə danışır" şeir kitabları və "Qəhrəman İbad", "Zəhmli polkovnik", "Üfüqdə görünən adam" sənədli povestləri işıq üzü görüb. Yazdığı şeirlərə tanınmış bəstəkar Razim Paşayev musiqilər bəstələyib.

Təbrik edirik!

Persona.az


 Şrift:
                                                 Məktəbdə Yeni il şənliyi keçirildi

   Bu gün Nizami rayonu 145 saylı tam orta məktəbdə 3A sinif şagirdlərinin iştirakı ilə aktrisa Səbinə Hacıyevanın təqdimatında Yeni il şənliyi keçirildi. Tədbir “3A”nın sinif rəhbəri Sevinc  Əhmədovanın  çıxışı ilə başladı. Şagirdlərin maraqlı performansları tamaşaçıları olduqca məmnun etdi. 
Yeni il şənliyi üçün qurulmuş tamaşalarda  Rus və Azərbaycan nağıllarından istifadə olunmuşdur.
Şənlik ənənəvi üslubdan çıxarılaraq daha maraqlı təqdimatla fidan balaların ixtiyarına verilmişdi.

Əntiqə  Səməndər

 Şrift:

      22 dekabr 2017-ci il tarixində Sabunçu rayonundakı 311 saylı tam orta məktəbdə İlyas Tapdığın “anım günü”nə həsr olunmuş tədbir keçirildi.
Tədbir tanınmış şairin ruhunun bir dəqiqəlik sükutla yad edilməsi ilə başladı. Daha sonra məktəbin direktoru Esmira Muradova çıxış edərək tədbirdə iştirak edən qonaqları salamladı.
             Tədbirin aparıcısı Səidə Məmmədova İlyas Tapdığın həyat yaradıcılığı haqqında danışdıqdan sonra şairin həyat və fəaliyyətini özündə əks etdirən video-görüntülərdən və foto şəkillərdən ibarət slaydlar nümayiş etdirildi.
Iki saatdan çox davam edən tədbirdə məktəbin şagirdləri tərəfindən şairin dillər əzbəri olan şeirləri və şeirlərinə bəstələnmiş mahnıları səsləndirildi.
Tədbirdə iştirak edən qonaqlar -  Musa Ələkbərli, Vahid Aslan, Oruc İsabəyli, Loğman  Babacan, Tofiq Əlizadə çıxış edərək,  İlyas Tabdıqla bağlı olan  xatirələrindən danışdılar.

Nuray Əsgərli
 
 Şrift:

İqtisad Universitetində ( UNEC )  şair, tərcüməçi, publisist, Əməkdar mədəniyyət işçisi, Əməkdar incəsənət xadimi, Azərbaycanın xalq şairi  Məmməd Arazın xatirəsinə həsr olunmuş tədbir keçirilib.

 

   İqtisad Universitetində ( UNEC )  Dünya Azərbaycanlılarının Həmrəylik günü münasibətilə mənalı, keşməkeşli və şərəfli, əsl şair-vətəndaş ömrü yaşamış görkəmli xalq şairi Məmməd Araza həsr olunmuş tədbir keçirilib. Universitetin “ İqtisadiyyat “ fakültəsinin dekanı Asiman Quliyev və universitetin müəllimi, dosent İsa Məmmədovun təşkilatçılığı ilə keçirilən tədbirə Azərbaycan Dövlət Mədəniyyət və İncəsənət Universitetinin “ Səhnə danışığı “ kafedrasının dosenti, əməkdar artist, bədii qiraət ustası, “ Qızıl qılınc “ laeuratı  Ağalar Bayramov qonaq dəvət edilmişdi.

Canı, qanı və bütün varlığıyla Xan Araza bağlı olan şairin tərcümeyi-halından, çoxşaxəli yaradıcılığından ağızdolusu danışan görüşün aparıcısı İsa Məmmədov şairin ömrünün son günlərində yazdığı və ona təqdim etdiyi şeiri səsləndirdi.

Ağalar Bayramov : Məmməd Arazın kitablarının birinə yazdığı müqəddimədə deyilir: "Əsl tərcümeyi-hal şairin şeirləridir.

Ardını oxu...

 Şrift:


                       AZƏRBAYCAN MİLLİ ELMLƏR AKADEMİYASI
 
                          GEOLOGİYA VƏ GEOFİZİKA İNSTİTUTU
 
       Analitik işlər mərkəzi aparıcı dünya istehsalçılarının avadanlıqları ilə təchiz edilmişdir. Mərkəzin əsas vəzifəsi – analizlərin  keyfiyyətli və operativ şəkildə yerinə yetirilməsi. Analizlər beynəlxalq (Almaniya,Yaponiya, Rusiya) standartları və metodları üzrə aparılır.Tədqiqat obyektləri mineral xammal (filiz və qeyri-filiz),torpaq (kimyəvi tərkib, mikroelementlər) dag-mədən və kənd təsərrüfatı istehsalının  tullantıları, eləcə də içməli və texniki sular, istənilən qeyri-üzvi maddə (bərk , maye və toz  halda).

Ardını oxu...

 Şrift:

           İslam dini haqqında bilgiləri alimlərdən alın

              İslam həmrəyliyinə həsr edilmiş tədbirdə bu fikir səsləndirildi

     “Uğur” Gənclərin Maarifləndirilməsi İctimai Birliyi Azərbaycan Respublikasının Prezidenti yanında Gənclər Fondunun dəstəyi ilə  “Gənclər arasında İslam həmrəyliyi ilə bağlı maarifləndirmə işlərinin aparılmasına dəstək” layihəsi çərçivəsində növbəti tədbir keçirib. Tədbiri giriş sözü ilə açan İctimai Birliyin sədri  Əlövsət Allahverdiyev deyib ki, bu il Azərbaycan Respublikasının Prezidentinin sərəncamı ilə “İslam həmrəyliyi ili” elan olunub. Bu sərəncam ölkəmizdə ictimai birliklərin də üzərinə müəyyən vəzifələr və məsuliyyət qoyur. “İslam həmrəyliyinin əsl mahiyyəti odur ki, çaxnaşmalarla dağıdılan cəmiyyətlərdən fərqli olaraq Azərbaycanda bütün konfessiyalar, eləcə də müsəlmanlar arasında anlaşmanın, birliyin alternativi olmadığını göstərək.

Ardını oxu...

 Şrift:

  
      Elçin Hüseynbəyli haqqında ölkənin ən tanınmış ədəbiyyat adamları 100-ə yaxın məqalə yazıblar. O, Türk Dünyası Ədəbiyyat Dərgiləri Konqresinin baş katibi, rus dilində nəşr olunan "Güney Qafqaz" dərgisinin Azərbaycan üzrə koordinatoru və redaktorudur. Ümumdünya azərbaycanlıları qurultaylarının nümayəndəsidir.

2000-ci ildə istedadlı gənc yazar kimi Prezident təqaüdünə, 2008-ci ildə isə Prezidentin xüsusi mükafatına layiq görülüb.

2001- ci ildə " Yusif Səmədoğlu adına ən yaxşı nəsr əsəri ", 2007-ci ildə "Humay", 2009-cu ildə Mədəniyyət və Turizm Nazirliyinin " Qızıl kəlmə " (nəsr üzrə ilk nominant kimi), eləcə də bir sıra ədəbi ödüllərə layiq görülüb.

Hekayə və romanları ali və orta məktəblərdə tədris olunur.

Bir çox kitabın, səkkiz romanın, yüzə qədər hekayə, esse və bədii məqalənin müəllifidir.

Onun roman və dram əsərləri əsasən sintetik janrlardadır: dünən, bu gün və gələcək. Təhkiyəsi axıcı, üslubu fərdidir. Əsasən milli problemləri qabardır, amma dünyanı bütöv qavrayır. Roman və dramları konkret ideyaya əsaslanır, süjet xətti kəskin intriqa üstündə qurulur. Əsərləri ingilis, rus, alman, fransız, polyak, ukrayna, litva, koreya, fars və s. dillərə tərcümə olunub, türkdilli xalqların dillərinə uyğunlaşdırılıb.

Kitablari Türkiyə, Rusiya, Litva,  Özbəkistan və gürcüstanda nəşr olunub.

Avropa Birliyinin regionda münaqişə tərəflərilə bağlı müxtəlif layihələrin iştirakçısı və əlaqələndiricisidir.

Azərbaycan Yazıçılar Birliyində yazıçı-dramaturq-publisist  Elçin Nüseynbəylinin  böyük mütəfəkkir, yazıçı Yusif Vəzir Çəmənzəminlinin xatirəsinə həsr olunmuş  “ Yenə iki od arasında “ kitabının təqdimat mərasimi keçirildi. Qarabağ tarixinin maraqlı məqamları ilə zəngin olan əsər  Qarabağ tədricən niyə və kimə görə itirildi ideyasına söykənir və XVIII əsrin sonlarından bu günümüzə kimi olan dövrü əhatə edir. AYB nin sədri, Xalq yazıçısı Anar əsərə “ Qarabağımızın qövr eləyən yaraları “ adlı ön söz, akademik Nizami Cəfərov “ İki od arasında “ adlı son söz yazıb. 

 Tədbiri giriş sözü ilə Səlim Babullaoğlu açaraq qonaqları salamladı. Elçin Hüseynbəylinin yaradıcılıq yoluna qısa nəzər yetirən yazıçı onun həm də uğurlu tərcüməçilik fəaliyyətindən söz açdı.

Sonra söz İntiqam Qasımzadəyə verildi.O, yazıçını yaradıcılığa başladığı  dövrlərdən tanıdığını, hələ illər öncə Azərbaycan jurnalında dərc olunan vaxtlardan perspektivli gələcəyə malik olduğuna əmin olduğunu bildirdi. Tarixi romana müraciət etmənin yazıçıdan analitik qabiliyyət, səbr və araşdırma bacarıqlarının yetkinliyinin olmasını söylədi.

Sonra çıxış edən məruzəçilər Nizami Tağısoy, Yunus Oğuz, Firuzə Məmmədli, Nəcibə İlkin, Zemfira Məhərrəmli, Vaqif Yusifzadə, Yusif Nəğməkar Elçin Hüseynbəylinin ədəbiyyatımızda çox istedadlı, maraqlı, bənzərsiz, orijinal bir nasir olduğunu vurğuladılar. Onun əsərlərində sürrealizm, əfsunlu realizm elementləri, mifik təfəkkür, folklora bağlılıq və bunların sintezinin uğurlu inikasından danışdılar.

Fərqanə Mehdiyeva səbəbkara həsr etdiyi şeirini səsləndirdi.

Misir Mədəniyyət Mərkəzinin rəhbəri, səfirliyin mədəniyyət attaşesi, doktor Əhməd Sami Elaydi Elçin Hüseynbəyli haqda ürək sözlərini dilə gətirdi. Nasirin yaradıcılığı ilə illər öncə tanış olduğunu və haqqında ərəb dilində yazılmış sanballı məqalələrdən söz açdı.

Sonda S.Babullaoğlu sözü Yusif Vəzir Çəmənzəminlinin nəvəsi, filoloq Leyla xanım Vəzirovaya verdi. Ailəsi adından təşəkkürünü bildirən məruzəçi “ Yenə iki od arasında “ romanının babasına həsr olunmuş elmi-bədii əsərlər arasında sevilən bir yer tutacağına əminliyini bildirdi.  

Tədbirin aparıcısı bütün iştirakçılara təşəkkürünü bildirdi, son dövrdə yazılmış əsərlər sırasında xüsusi çəkisi olan bu əsərinn tezliklə oxucu sevgisi qazanacağına əminliyini bildirdi.

Sonda kitabın imzalanma mərasimi keçirildi və xatirə şəkilləri çəkildi.

 Kəmalə Əliyeva

 

 Şrift:

      Dekabrın 13-də, saat 14.00-da Azərbaycan Yazıçılar Birliyinin Natəvan Klubunda  yazıçı-dramaturq, publisist Elçin Hüseynbəylinin “Yenə iki od arasında” romanının təqdimatı və imza günü keçiriləcək.
Bu il 130 illiyi qeyd edilən böyük söz adamı Yusif Vəzir Çəmənzəminlinin xatirəsinə həsr edilmiş, Qarabağ tarixi üstündə köklənən kitaba ön sözü xalq yazıçısı Anar, son sözü akademik Nizami Cəfərov yazıb.
Tədbir Azərbaycan Yazıçılar Birliyinin və “Qələm” nəşriyyatının təşkilatçılığı ilə baş tutacaq.
Təqdimat mərasimində nüfuzlu söz adamlarının iştirakı nəzərdə tutulur.
İstənilən şəxs törənə qatıla bilər.


Persona.az



 Şrift:

               Bu gün şərqdə çadranı ilk atan qadın kimi tarixə düşən, şairə, alim, natiq, reformator, inqilabçı, qadın azadlığı uğrunda apardığı mübarizədə qəddarlıqla edam edilən Tahirə Qürrətül-Eynin 200 illik yubileyi məqsədilə seminar keçirilib. Seminar “Tahirə Qürrətül-Eyn və qadın azadlığı" mövzusuna həsr olunmuşdur. Məruzəçi Kəmalə Səlim Müslüm qızı şairənin həyatı, yaradıcılığı və mübarizəsi haqqında çıxış edib.

Ardını oxu...

Foto qalereya

Video qalereya

Sağlamlıq

Sayğac