Xəbər lenti

 Şrift:


     2017-ci il, santyabr ayının əvvəlində ABŞ-ın Florida ştatını öz cənginə alan İrma qasırğası zamanı Kei-Uestdə yaşayan yazar və tarixçi Brüster Çemberlin və dostu Sandra Spaner çox əndişəli idi! Çünki onların  əlində Heminquey pərəstişkarlarını olduqca həyəcanlandıracaq bir şey vardı: bu, Ernest Heminqueyin 8 sentyabr 1909-cu ildə, hələ 10 yaşındaykən qələmə aldığı ilk hekayə idi!

   Brus ailəsinin arxivindəki mətnin saxlandığı Ki-Uestdəki bir ev qasırğa zamanı ciddi şəkildə zədələnir. Ancaq mətni kəşf edən Çamberlin, evin zərər görməsinə baxmayaraq arxivə bir şey olmadığını və mətnin içində olduğu qəhvəyi dəftərin etibarlı yerdə olduğunu açıqlayır.

   Adsız hekayə 14 səhifə həcmindədir. Mətnin mövzusu çox diqqətəlayiqdir! Heminqueyin bu ilk qısa hekayəsi, İrlandiyada Ross Qalasını yenidən bərpa etmək üçün geri dönən və bir gecə ziyafəti verən ölmüş bir adamdan bəhs edir. Mətn Heminquey ədəbiyyatı üçün böyük bir dəyişiklik təqdim etməsə də, müəllifin dildən istifadəsi, müsahibə, söz seçimi kimi əsas aspektləri göstərir.

Ardını oxu...

 Şrift:


        Şıx geyimli, yaraşıqlı bir adam Nyu-York şəhərinin ən yaxşı banklarından birinə daxil olur. Növbəsini gözlədikdən sonra, bank işçisinin qarşısında dayanır Bank işçisi utancaq bir ifadə ilə ona əyləşməsini bildirir.
- Mənə kömək edə bilərsinizmi? 3 həftəlik müddətə5 min dollar lazımdır.
Bank nümayəndəsi adamın geyimindən və danışmasından çox təsirlənməsinə baxmayaraq, onların bankları ilə daha əvvəl heç işləyib - işləmədiyi və ya hər hansı bir əlaqəsi olub - olmadığını öyrənmək üçün əzbərlədildiyi şəkildə suallar verir.
Adam, nəzakətlə çox tələsidiyini bildirir və bank nümayəndəsinin təmkinli yanaşmasını da çox anlayışla qarşıladığını izah edərək soruşur:
- Mənim istədiyim məbləğin müqablində, qapınızın qarşısında 200.000 dollar dəyərində Rolls Royce avtomobilim var, bunu sizə təminat olaraq verirəm, 3 həftə sonra 5.000 dolları və faizini ödədikdən sonra avtomobilimi geri alaram, belə bir həll sizə uyğundurmu?
Bank nümayəndəsi bunu dərhal sevinclə qəbul edir, adamın Rolls Roycesi bankın qarajına park edilir və adam arzu etdiyi 5.000 dolları götürüb gedir.
3 həftə sonra, adam həmin bank nümayəndəsinin yanına gəlir, 5 min dollar borcu və 3 həftəlik müddət üçün hesablanan 15 dollar 42 sent faizi ödəyir. Müştəri, Rolls Royce ilə  bankdan ayrılmaqdaykən, bank nümayəndəsi bir az utancaqlıqla soruşur:
- Üzr istəyirəm, sizin kimi imkanlı bir adam necə ola bilər ki, kredit kartı ilə ala biləcəyi 5.000 dollar üçün 200.000 dollar dəyərindəki Rolls Royce avtomobilini girov qoyub 5.000 dollar kredit alır?
Müştəri tövrünü pozmadan deyir:
- Yaxşı siz Nyu Yorkda Rolls Roycemin başına bir şey gəlməyəcəyindən bu qədər əmin olduğunuz və 3 həftəlik park ödənişinin 15 dollar 42 sent tutduğu başqa bir park yeri bilirsinizmi?..

 Şrift:

                Dünyanın maraqlı xalqları
                                                  
                                                          Tuareqlər

     Tuareqlər, çox unikal bir mədəniyyətə sahib olan və Şimali Afrikada yaşayan bir xalqdır. Müsəlman olmalarına baxmayaraq, İslamdan əvvəlki ənənələrini qoruyub saxlamışlar və çox maraqlı bir mədəniyyət yaratmışlar. Bu kultun ən fərqli xüsusiyyətlərindən biri, qadınların cəmiyyətdəki yeridir.

     Tuareqlər Quzey Afrika Bərbərilərinin bir qoludur.

     Bir milyondan çox əhalisi var.

     Burkina Faso Cəzayir, Liviya, Mali və Nigeriya arasındakı böyük bir ərazidə yaşayırlar.

     Minlərlə ildir köçəri həyat tərzi yaşayırlar. Dəvə belində səhralardan keçir, çadırlarda yaşayırlar. Bununla belə çox orijinal mədəniyyətə sahibdirlər.

     Müsəlman ərəb ordularının onların yaşadıqları əraziyə gəlmələrilə İslamı qəbul etmişlər. Ancaq digər tərəfdən min illər boyunca öz ənənələrini qoruyaraq kultural bir sintez yaratmışlar.

Ardını oxu...

 Şrift:

                                İLQAR TÜRKOĞLU
 
                                 TÜRKLƏR NECƏ KÜRD OLDU

     Biz nədənsə, rusların kürd siyasətinə, saxta kürd tarixinə daha çox üz tuturuq.Tarixdə kürd adlı millətin, dövlətin və mədəniyyətin olmadığı hər kəsə bəllidir. Kürdlərin bütün adət və ənənələri türklərlə eynidir.Kürd sözünün etimalogiyası da türkcədir. Daha öncədən iki yerə ayrılan, Aranda (ovalıq bölgələrdə) yaşayanlar türk, dağlıq yerlərdə köçəri həyat keçirən, maldarlıqla uğraşan kəsimi isə kürd adlanırdı. Dağlıq yerlərdə yaşayan kürdlərin dili arıca türk dili idi. Hətta XVI-XVII yüzillərdə dağlarda yaşayan avşarlara belə kürd avşarı deyilirdi. Elə buna görədir, bu ad milli musiqimizdə “Kürd ovşarı” kimi bugün də yaşayır.

Ardını oxu...

 Şrift:

 Ağcabədidə keçirilən kitab sərgisindən xatirələr

 

 


 

 

Həmişə fikirləşirəm ki, görəsən, kitablarsız həyat olardımı? Əgər olsa da, çox sıxıcı həyat olardı. Son zamanlar nədənsə mütaliəyə  maraq azalıb. Ona görə də,  ziyalılarımız kitab oxumağa marağı artırmaq üçün tədbirlər, sərgilər keçirirlər.

27 aprel 2017-ci il tarixində iştirak etdiyim Ağcabədi rayonu Heydər Əliyev mərkəzində keçirilən sərgi  də bu qəbildəndir. Qeyd edim ki, Ümummilli Lider Heydər Əliyevin anadan olmasının 94-cü ildönümü  ilə əlaqədar olaraq Ağcabədi rayon Heydər Əliyev Mərkəzində silsilə tədbirlər həyata keçirilir. Bu tədbirlər çərçivəsində 27 aprel 2017-ci il tarixində Heydər Əliyev Mərkəzinin qarşısında kitab sərgisi də keçirildi.

 

3 hissədən ibarət olan sərginin birinci hissəsində Ulu Öndər Heydər Əliyevin həyat və fəaliyyətindən bəhs edən kitablar, ikinci hissədə Ağcabədi rayonunun ədəbiyyat, elm və mədəniyyət xadimlərinin kitabları, üçüncü hissədə isə çağdaş ədəbiyyat nümayəndələrinin kitabları sərgiləndi.

 

 


 

 

 

Sərgi müddətində Ağcabədi şəhər Uşaq Musiqi məktəbinin şagirdlərinin iştirakı ilə baş tutan fləşmob izləyicilərin marağına səbəb oldu. Daha sonra 5 və 8 saylı şəhər körpələr evi uşaq bağçasının fidanları öz rəqsləri ilə tədbirə rəng qatdılar.

 


 

Elə bir sərgi olmaz ki, orada yazarlar iştirak eləməsin. Elə bu sərgidə də bir çox şairlər və yazarlar, o cümlədən, şairə xanım Məhsəti Musa, həmişə gənc yazarlara yol göstərən, gənc yazarların stimulyatoru şair Gündüz Sevindik, gənc şairə Minə Turan, gənc şair, "Nənəmin kürdüləri" şeirlər kitabının müəllifi Saqif  Zeynal, yazar xanım Tahirə İsaqızı və digərləri də iştirak edirdilər. Mən və sərginin digər iştirakçıları isə, şübhəsiz, bunu bir fürsət olaraq dəyərləndirdik və əlimizə düşən fürsətdən bacardığımız qədər istifadə elədik. Sərgiyə təşrif buyurmuş şair və yazarlarla görüşmək və onların imzalı kitablarını əldə eləməyə nail ola bildik.

Hələ bunlar harasıdır ki? Sərgidə viktorina da keçirildi, suallara doğru cavab verənlərə müxtəlif kitablar hədiyyə edildi. Bu arada, onu da deyim ki, qaliblər arasında mən də var idim. Suallardan birinə doğru cavab verdiyimə görə Teymur Muğanlının "Salama ehtiyac" kitabını, Məhsəti xanımın “Salam, Allahım, salam”, Saqif bəyin “Nənəmin kürdüləri”, Tahirə xanımın “Salama ehtiyac” kitablarını hədiyyə qazandım. Çox xoşbəxtəm, düzünü desək. Belə sərgilərin tez-tez keçirilməsini arzur edirəm. Tez-tez keçirilsin ki, biz də iştirak edib kitab əldə edək.

Sonda deyim ki, sərgi olduqca əyləncəli və maraqlı keçdi. Sonda qələm sahibləri ilə xatirə şəkilləri çəkdirməyi də unutmadım.

 

 

 


 

 

 

Hazırladı: Rüqəyya Əlizadə

 Şrift:







Kənan Hacı

Bu haqda heç düşünməmişəm. Yazıçılar bu haqda yox, obraz yaratmaq haqda daha çox düşünürlər. Hansısa qəhrəmana bənzəməyi adətən oxucular arzulayır. Arzusunda olduğum obrazlardan bir neçəsini yaza bilmişəm və onlara da oxşamaq istəməzdim.




Cəlil Cavanşir

Viktor Hüqonun "Səfillər" əsərinin baş qəhrəmanı olmaq istərdim. Mənim üçün ən maraqlı obrazlardan biridir.



Elvin Paşa

Bunun üçün bir qəhrəman adı məncə azdı.O qədər var ki...



Azər Elşadoğlu

Emil Zola, "Germinal" Etienne. Qismən.



Oğuz Ayvaz

Sevdiyim əsərlər çoxdu. "Cinayət və Cəza", "Yad", "Robinzon Kruzo", "Tatar çölü". Robinzon Kruzo olmaq istəyərdim. Onun kimi həyatda qalmaq üçün mübarizə aparardım. Əkin sahəsi yaradar, maldarçılıqla məşğul olardım. Sevdiyim qızı da tapıb gətirər, kimsəsiz adada xoşbəxt yaşayardıq.



Amin Sükut

Balaca qara balıq.

 




Sorğunu keçirdi: Rüqəyya Əlizadə





 Şrift:




1881-ci ildə Salonikidə anadan olan, 1923-cü ildə imkansız şəraitdə yoxdan bir bayraq var edən Atatürk 1938-ci il noyabrın 10-da dünyaya vida deyib.



"Mənim torpağım məni kirlətməz" 

Dövlət başçısı seçilən Mustafa Kamal dəniz nəqliyyatı ilə Türkiyənin bir sıra ərazilərinə səfərlər edir. Sahilboyu vilayətlərin birinə də su nəqliyyatı ilə gedən Atatürk sahilə çatarkən sürətli addımladığı üçün azacıq səmtini itirir, lakin barmaqlarını sahil qumuna batıraraq özünü yıxılmaqdan qoruyur. Tez qarşısına qaçıb, bulaşmış əllərini təmizləmək üçün ona yardım etmək istəyirlər. Amma Atatürk bir müddət barmaqlarına baxır və onlara belə cavab verir: -Bu mənim torpağımdır. O məni heç vaxt kirlətməz" 

"Mən sabahı gəzdirirəm"

Atatürk bir gün Çankayada keçirilən toplantıya tələsirmiş. Sürücüyə də bildirir ki, mümkün olduğu qədər onu iclas olacaq yerə tez çatdırsın, çünki xeyli qonaqlar onu gözləyirdi. Amma keçdiyi yerlərin birində xalq onu böyük izdihamla qarşılayır. Atatürk maşından düşərək qısa müddətli onlara əl edir, hal-əhval tutur. Vaxtın azlığını əsas gətirərək maşına oturmaq istəyir. Elə bu zaman balaca uşaq ağlamağını eşidir. Baxıb görür ki, anasının qucağında toppuş bir uşaq əllərini ona uzadaraq ağlayır. Atatürk ona yaxınlaşıb qucağına alır və yanağından öpür. Uşaq da əllərini maşına doğru uzadır və təkid edib ağlayır. Anası da utana -utana Atatürkə deyir ki, uşağın istədiyi maşındır. Bir söz deməyən Atatürk uşaqla bərabər maşına oturur və onu gəzdirir.iclasa gecikməsinə baxmayaraq uşağı gətirib şəxsən özü anasına təhvil verir. Anası üzürxahlıq edəndə isə o, bu cavabı verir:

- Mən Türkiyənin sabahını gəzdirdim. Bu sabah hər şeydən və hər kəsdən önəmlidir. 

"Mənim xətrimə baş örtüyünüzü açarsız?" 

Bir gün xalq arasında gəzəndə çarşablı bir xanımla qarşılaşır: "Xanım, mənim xatirimə başınızdakı örtüyü açarsızınızmı" deyib. Qadın başındakı yaylığı açaraq, Atatürkün qarşısında əyilib və əllərindən öpüb. 

Bu rəsmi heç kəsə göstərmə 

Ağır Sakarya vuruşmasından çətin qalibiyyətlə qayıdan Atatürk Türkiyə Böyük Millət Məclisində hesabat xarakterli çıxış edir, problemləri və qarşıdakı çətinlikləri göstərir. Əsas diqqət də ərzaq və maddi təminatın çatışmazlığına yönəldir. Sakaryadsa əsgərlərin və düşmənlərin qida çatışmazlığını diqqətə çatdırır. Amma buna baxmayaraq o, qalib gəlmişdi, məhz bu səbəbdən Məclisə bir rəssam daxil olur və Atatürkə ehtiram nişanəsi olaraq çəkdiyi tablonu təqdim edir. Tablo Sakarya müharibəsini özündə əks etdirirdi. Burada Atatürk cüssəli, kök bir atın üzərində əzəmətli şəkildə dayanıb. Rəsm əsəri gözəl olduğundan salondakılar onu alqışlayır. Lakin Atatürk qəfildən rəssama deyir: "Bunu başqa kimsə görüb?

Rəssam "xeyr" deyəndə əlavə edir:

- Onda lütfən başqa heç kəsə göstərmə. 

Rəssam tutulur nə deyəcəyini bilmir. Atatürk əlavə edir ki, rəsm kimi gözəl sənət əsəridir. Amma burada at çox yaxşı , bəslənmiş həmçinin mən də çox gümrah və tox görünürəm. Amma vallahi, belə deyildi. Sakaryada atlar bir dəri, bir sümük, bizlər isə az qla çöpə dönən birisi idik. Bilirsənmi bu nə deməkdir? 

Səhvini anlayan rəssam deyir:- bu rəsm Sakarya vuruşmasının dəyərini aşağı salan bir əsərdir. Atatürk isə bu sözlərə yalnız gülümsəyir və rəssamın əlini sıxır. 

Atatürk haqqında maraqlı faktlar 

1. Ən çox sevdiyi yemək: Gəncliyindən qalan vərdişlə həyatı boyunca ən çox sevdiyi yemək quru paxlalı plov olub. Şirniyyat sevmirdi, amma hərdən gül cemi yeyirdi.

2. Ən çox sevdiyi kitab: Rəşad Nuri Güntəkinin "Çalıquşu" əsərini həyatı boyunca, hətta cəbhədə belə başucundan ayırmayıb. Hər gün kitabın təsadüfi bir səhifəsini açar və bir neçə səhifə oxuyarmış. 

3. Ən çox sevdiyi heyvanlar: Atlar və itlər. "Fox" adını verdiyi iti həmişə yatağının ucunda yatardı. 

4. Ən çox sevdiyi rəqs: Ən çox sevdiyi rəqs vals olub. Klassik musiqilərdən əlavə, Anadolu melodiyalarını da dinləməyi sevirmiş.

5. Geyimi: Köynəklərinin hamısı ağ idi. O, köynəklərini əvvəllər İsveçrədə tikdirib, sonralar isə yerli maldan istifadə etmək kompaniyasına əsasən Bəyoğlunda bir dərziyə tikdirib. Kostyumlarının dizaynını həmişə özü hazırlayardı. Göy rəngli kostyum geyinməyi xoşlamırdı.

6. Fiziki göstəriciləri: Boyu 1,74 m olub. Həyatının son dövrlərinə qədər çəkisi 76 kq olub. Amma sonra xəstəliyi artdıqca çəkisi 46 kq-a qədər düşüb. 43 ölçülü qara laklı ayaqqabı geyərdi.

7. Səhər vərdişləri: Səhər yeməyindən xoşu gəlmirdi. Yuxudan duran kimi otağındakı divanın üzərinə bardaş qurub oturur, günün ilk qəhvəsini içir və siqaret çəkirdi.

Xəstəliyininbaşlanğıcındaonumüayinə edənhəkimFissingergündə neçə paçkasiqaretçəkdiyinisoruşub. Atatürk "səkkiz" deyib.

Həkim məsləhət görüb ki, bundan sonra gün ərzində ancaq bir paçka siqaret çəksin. Bunu eşidən Atatürk gülümsəyərək: "Mən onsuz da gün ərzində ancaq bir paçka siqaret çəkirəm. Bundan sonra bunu sizin icazənizlə edəcəm" deyib.

8. Qəribəliyi: Getdiyi şəhər və ya kəndlərdə onun üçün qurban kəsilən heyvanlara baxa bilməzdi. Belə vəziyyətdə ya üzünü çevirər, ya da qurbanın kəsilməsinə icazə vermirdi. Cəbhələrdə düşmənlə qarşı-qarşıya döyüşən biri olaraq ən maraqlı xüsusiyyəti döyüş meydanı xaricində qan görəndə halı pisləşirmiş../modern.az/
 Şrift:



Hamımız monitor qarşısında dayanmadan gözlәrimizi yüklәmәyә vәrdiş etmişik. Aramızda az sayda adamlar bu qәdәr vacib orqanın xüsusiyyәtlәrin vә özәlliklәrindә xәbәrdardır. Hәmin özәlliklәri sizә tәqdim edib, öz gözlәrinizә diqqәtlә yanaşmağı tövsiyyә edirik.

1. Qәhvәyi rәngindә göz әslindә mövcud deyil. Qәhvәyi gözlәr mavi gözlәrdәki qәhvәyi piqmentin vasitәsi ilә hәmin rәngi alır. Gözlәrdәki qәhvәyi piqmenti әmәliyyat vasitәsi ilә götürüb hәmişәlik mavi gözlәrә sahib olmaq olar.

2. Sevdiyimiz insana baxarkәn göz almacığı 45% böyüyür.

3. Açıq gözlәrlә asqırmaq mümkün deyil.

4. Gözlәr boz rәngin 500 çalarını ayırd edir.

5. Hәr bir göz 107 mln. hüceyrәdәn ibarәtdir vә onların hamısı işığa qarşı hәssasdır.

6. Kişilәr arasında hәr 12­ci adam daltonikdir.

7. İnsan gözü spektorun yalnız 3 rәngini – göy, qırmızı , yaşıl rәngi ayırd edir. Qalan bütün rәnglәr hәmin 3 rәngin qarışığından alınır. (Yәgin ki, nәzәrinizdәn qaçmadı : spektorun rәnglәri bizim bayrağdakı rәnglәrdir)

8. Gözlәrimizin diametri 2.5 sm, çәkisi isә 8 qr­dır.

9. Orqanizmimizdә olan bütün әzәlәlәr arasında göz әzәlәlәri әn işlәk әzәlәlәrdir.

10. Gözlәrimizin ölçüsü doğulandan ölәnәdәk dәyişmir, baxmayaraq ki, burun vә qulaqlar bütün hәyatımız boyu öz ölçüsünü dәyişir.

11. Göz almacığının cәmi 1/6 hissәsi görünür.

12. Orta hesabla bütün hәyatımız boyu tәxmini olaraq 24 mln. sayda şәkil görürük.

13. Әn sürәtli әzәlә göz әzәlәsidir.1 saniyә әrzindә 5 dәfә gözümüzü qırpa bilәrik. ”Bir göz qırpımında” ifadәsi dә burdan meydana gәlib.

14. Gözlәrimiz 1 saniyәdә 50 şeyә fokslaşa bilir.

15. Gözlәr tәrәfindәn beyinә göndәrilәn şәkil vә mәnzәrәlәr tәrsinә göndәrilir.

16. Gözlәr beyini әn çox yükәlәyәn orqandır.

17. Hәr bir kipriyin 5 ay ömrü var.

18. Qәdim mayalılar çәpgözlüyü cazibәdar hesab edir vә çalışırdılar ki, uşaqlarının gözlәri çәp olsun.

19. Tәxminәn 10 000 il әrzindә yer kürәsindә bütün insanların gözü qәhvәyi rәngdә olub. Sonra Qara dәniz әtrafındakı adamların gözlәrindә mutasiya baş verib vә bu mavi gözlü adamların peyda olmasına sәbәb olub.

20. Gözlәrin hәrәkәt istiqamәtini müayinә edәrkәn 98.3% dәqiqliklә şizofreniyanı müәyyәn etmәk olar.

21. Yer üzündәki qadınların tәxminәn 2%­nin gözlәrindә nadir genetik mutasiya var. Hәmin mutasiya onlara 100 mln. rәngi ayırd etmәyә imkan verir.

22. Hollivudun mәşhur aktyoru Conni Deppin sol gözü görmә qabiliyyәtli deyil.

23. Kosmonaftlar kosmosda olarkәn ağlaya bilmirlәr. Buna sәbәb kosmosdakı çәkisizlikdir. Belәki onlar kövrәlәndә ağlamaq әvәzinә gözlәrindә ancaq göynәmә hiss edirlәr.

24. İnsan gözü üçün çox mürәkkәb rәnglәr var. Hәmin rәnglәri “mümkün olmayan rәnglәr” adlandırırlar.

25. Afakiyadan әziyyәt çәkәn insanlar ultrabәnövşәyi şüaları rәng olaraq görә bilirlәr.

26. Arıları gözlәrindә tük var. Bu tüklәr külәyin istiqamәtini müәyyәn etmәyә imkan verir.

27. Biz gözlәrimizlә yox, beyinimizlә görürük. Baxmayaraq ki, mәnzәrә vә şәkillәrin bulanıq vә keyfiyyәtsiz görüntüsü gözlәrin xәstәliyidir, görmә qabiliyyәti sırf beyin funksiyasıdır.

28.Mavi gözlü ağ pişiklәrin 65­85 %­i kardır.../ATV.az/

 Şrift:



1.
 Böyük dramaturqun pyeslərinin çoxunun mövzusu keçmiş zamanlarda cərəyan edən əhavalatları əhatə edirdi. Bu isə həmin dövrdə geniş yayılmış bir praktika idi.

2. Şekspir zamanının teatrlarında pərdələr yox idi, dekorasiyalar da çox az idi. Aktyorları əhatə edən mühit və şərait pyesin mətnində təsvir edilirdi.

3. Yelizaveta dövrünün teatrı heç də "incəsənət mədədi" deyildi. Tamaşaçılar tamaşa zamanı meyvə alar və əgər xoşlarına gəlməsə, dişləyib aktyorlara ata bilərdilər. Belə bir fikir var ki, bu adət İngiltərədə teatr sənətinin inkişafına çox böyük təkan verib.

4. Məlumdur ki, Şekspirin zamanında teatrda bütün rolları – həm kişi, həm də qadın rollarını kişilər oynayırdılar (XX əsrin əvvəllərində Azərbaycanda olduğu kimi). İngilis səhnəsində ilk qadın yalnız XVII əsrdə göründü (Bizdə XX əsr. - Red.). Kişi qəhrəmanların isə qadın aktrisalar tərəfindən oynanılması dünya teatrı tarixində çox nadir rast gəlinən hallardandır. Böyük aktrisa Sara Bernar 1899-cu ildə Şekspirin kişi qəhrəmanını oynamağa razılıq vermişdi.

5. Şekspirin 154 dahiyanə sonetinin nə zaman, harada və hansı xronoloji ardıcıllıqla yazılması, eləcə də onların kimə ithaf edilməsi haqqında, demək olar ki, heç bir məlumat yoxdur.

6. Şekspirin leksik fondunu araşdıran tədqiqatçılar qeyd edirlər ki, dramaturqun əsərlərində işlənin 2035 söz əvvəllər yazılı mətnlərdə heç vaxt işlənməyib.

7. Təəssüf ki, bu dünyada Şekpirin birbaşa varisi yoxdur. Çünki onun nəsli 1670-ci ildə kəsilib. Dramaturqun yeganə oğlu Xemniy 11 yaşında taundan ölüb. Qızı Cuditin üç oğlu var idi, ancaq onların heç birinin və o biri qızı Suzannanın isə övladları olmayıb. Elə Süzannanın ölümü ilə də Şekspir nəslinə son qoyuldu.

8. Oksfordun "qanadlı sözlər" lüğətinə görə, igilisdilli dünyada ən çox təkrarlanan sitatların onda biri Şekspirin payına düşür.

9. Şekspirin ən məşhur pyesi "Maqbet" faciəsidir. O, dünyada hər dörd saatdan bir oxunur.

10. 1890-cı ilədək Şimali Amerikada nə sığırçın, nə də ki qarğa var idi. Şekspirin qızğın fanatlarından biri bu quşları Avropadan gətirib Nyu Yorkun Mərkəzi parkına buraxır. Quşlar burada nəsil verib artırlar. Bəs bu hərəkətin səbəbi nə idi? O, istəyirdi ki, doğma ölkəsində böyük ingilisin pyeslərində adı çəkilən quşların bütün növləri yaşasın.../axar.az/

 Şrift:

Tez qalx, məsələn, saat 5-də.

Tez yat, məsələn, saat 21.00-da.
Az ye, şirniyyatdan uzaq dur.
Ev işlərinin bacardıqca özün et, başqalarına etdirmə.
Məqsədlərin olsun. Məsələn, bir həyati məqsədin olsun. Amma bunun bəs etməyəcəyini bil və həyatda nail olmaq istədiklərinlə bağlı ayrı-ayrı balaca hədəflərin olsun. Gələn ilin, gələn ayın, gələn həftənin və sabahkı günün hədəflərini ayrı-ayı, dəqiq şəkildə müəyyənləşdir. Hətta bir saat sonranın, bir dəqiqə sonranın planını müəyyən et. 
Qulağında sırğa olsun: böyük məqsədlərə gedən yol, kiçik məqsədlərdən başlayır.
Qadınlardan uzaq dur.
Çox işləyərək ehtirasını öldür.
Yaxşı adam ol, amma başqalarının bunu bilməsinə icazə vermə.
Gücünün yetdiyindən daha az xərclə.
İndikindən on dəfə varlı olsan da, qətiyyən həyat tərzini dəyişmə../
İnterpress.az
 
/

Köşə

Foto qalereya

Video qalereya

Sağlamlıq

Sayğac